ಮಲ್ಲಿಗೆಯ ಮನದಲಿ ಪ್ರೇಮದ ರಂಗವಲ್ಲಿ

ಓ ಮಲ್ಲಿಗೆ ನೀ ಎನ್ನೋಲವೆ

ನಿನ್ನೊಲುವೆ ಎನಗೆ ಚೆಲುವೆ

ಮಂದಹಾಸದ ಮೊಗವೆ

ನಿನ್ನ ಮಂದಹಾಸದಿ ನಾ ಕಳೇವೆ ಜೀವವೇ||1||

ಮಲ್ಲಿಗೆಯ ಮುಗ್ದ ಮನದಲಿ 

ಪ್ರೇಮದ ರಂಗಿನ ರಂಗು ರಂಗವಲ್ಲಿ 

ಚಿತ್ತಾರ ಮುಡಿತ್ತೆನ್ನ ಮುದ್ದಿನ ಹೃದಯದಲಿ

ಚಿತ್ರ ಬಿಡಿಸುವ ಹಂಬಲ ಎನ್ನ ಕೈಗೆ ಪ್ರೀತಿಯಲಿ||2||

ಜಗದಿ ಮಲ್ಲಿಗೆಯ ಪರಿಮಳ ಸೂಸಿತು

ಪರಿಮಳದಿ ನವ ಆಸೆ ಕಣ್ಣಂಚಲಿ ಚಿಗುರಿತು

ಚಿಗುರಿದ ಆಸೆಯಲಿ ರಂಗಿನ ಚಿತ್ರ ಮೂಡಿತು

ರಂಗು ರಂಗಿನ ಚಿತ್ರ ಬಾಳ ಬೆಳಗಿತು||3||

ಮಲ್ಲಿಗೆಯ ಗರ್ಭದಿ ಹಕ್ಕಿಗಳ ಚಿಲಿಪಿಲಿ ಝೇಂಕಾರ 

ಝೇಂಕಾರದಿ ಮೂಡಿತು ಮನದಲಿ ಮಮಕಾರ

ನಿಸರ್ಗವೆಂಬ ರಾಣಿಗೆ ಕುಸುಮವೇ ಅಲಂಕಾರ

ಮಲ್ಲಿಗೆಯ ಅಂದವ ನೋಡಿ ಮೂಡಿತು ಮನದಲಿ ಪ್ರೇಮದ ಹರ್ಷೋದ್ಗಾರ.||4||